வாழ்வியல் சார்ந்த ஆரோக்கிய பிரச்சனைகளைசமாளிக்க யோகா எப்படி உதவுகிறது?

என்னதான் உடம்பை கச்சிதமாக பராமரித்து, முறையாக உடற்பயிற்சிகள் செய்து, வைட்டமின் மாத்திரைகள் விழுங்கினாலும், நம் அன்றாட வாழ்வில், மன அழுத்தம், நீரிழிவு நோய், உயர் ரத்த அழுத்தம், சிஓபிடி எனப்படும் நாள்பட்ட நுரையீரல் அடைப்பு நோய், போன்றவை தவிர்க்க முடியாதவையாக மாறியுள்ளன. இவற்றை சமாளிக்க வெறும் மாத்திரை முழுங்கினால் மட்டும் போதுமா?

உண்மையில் இல்லை, பழங்கால அறிவியலான யோகாவில் இதற்குரிய பதில் உள்ளது. நவீன காலத்தில் ஏற்படும் பிரச்சனைகள் அனைத்திற்கும், யோகா மட்டுமே தீர்வாகி விடாது. அதேசமயம், யோகாசனங்கள் மற்றும் தியானம் ஆகிய இரட்டை நுட்பங்களுடன், சாத்வீக டயட் முறையை பின்பற்றினால், பரபரப்பான வாழ்க்கை முறையால் நமக்கு இத்தகைய நோய்கள் ஏற்படுவதை கட்டுப்படுத்த முடியும் என்று, அறிவியல் ஆய்வுகள் பலவும் சொல்கின்றன.

எனக்கு வாழ்வியல் சார்ந்த ஆரோக்கிய பிரச்சனைஇருக்கிறதா?

வேலை காரணமாக, அதிக மன அழுத்தம் ஏற்பட்டு, உயர் ரத்த அழுத்தம், இதய கோளாறுகள், உயிர் வாழ்வதில் ஆர்வம் இன்மை போன்றவை ஏற்பட்டால், உங்களுக்கு வாழ்வியல் சார்ந்த ஆரோக்கிய பிரச்னை உள்ளது என அர்த்தம். அதேபோல, உடல் உழைப்பு ஏதுமின்றி, உடற்பயிற்சி செய்யாமல், சீரற்ற உணவுப்பழக்க வழக்கங்களை பின்பற்றுவதால், உங்களுக்கு உடல் பருமன் ஏற்படும் எனில், அதுவும் வாழ்வியல் சார்ந்த நோய்தான். ஆபிஸ் மற்றும் வீட்டில் அதீத எதிர்பார்ப்புகளால், உங்களுக்கு மன அழுத்தம் ஏற்படும் எனில், அதுவும் வாழ்வியல் சார்ந்த ஆரோக்கிய பிரச்னையே.

யோகாவால் எப்படி உதவ முடியும்?

யோகாசனங்களை செய்வதன் மூலமாக, உடலை உள்ளிருந்தே சீர்படுத்த முடியும். பிரணயாமம், தியானம் மற்றும் சம பங்கு யோகா செய்வதன் மூலமாக, கவனத்தை கூர்மையாக்கி, மனதை சாந்தப்படுத்தவும், உடலை குணப்படுத்தவும் முடியும்.

இதன்மூலமாக, உடலை கட்டுக்கோப்பாக வைக்கலாம்; விட்டுக்கொடுக்கும் குணம், மன தெளிவு ஏற்படுவதோடு, ஒட்டுமொத்தமாக நல்ல மனிதனாக மாற முடியும். இது 3 நிலைகளில் ஏற்படுகிறது - தினசரி யோக பயிற்சி செய்வதால், உடல் ஆரோக்கியம் மேம்படும்; தியானம் மற்றும் சுவாச பயிற்சிகள் செய்வதால், மன அழுத்தம் சீராகி, வேலை செய்வதில் நல்ல பலன் கிடைக்கும்; மேலும், ஆன்ம ரீதியாக, மனித பண்புகளை வளர்த்து, மனதிற்கு பரிபூரண அமைதி தரும்.

ஜிம்முக்குப் போவதை விட யோகா நல்லதா?

ஜிம்முக்குச் செல்வது நல்ல யோசனைதான், ஆனால், யோகா நீடித்த பலன் தருகிறது. யோகா மட்டுமின்றி, பொறுமை மற்றும் சீரான உணவுப்பழக்க வழக்கத்தையும் நீங்கள் கடைப்பிடிக்க வேண்டும்.

பல்வேறு ஆய்வுகளில், ரத்தக்குழாய் சார்ந்த இதய நோய், உயர் ரத்த அழுத்தம் உள்ள நோயாளிகள், யோகா செய்யும்போது, இதய துடிப்பு மற்றும் சிஸ்டோலிக் ரத்த அழுத்தம் சீரடைவதாக, தெரியவந்துள்ளது. இதன்மூலமாக, உடற்பயிற்சி செய்யும் வலிமையும், உடல் எடையை சீராக்கும் வாய்ப்பும் அவர்களுக்கு ஏற்படுவதாக, நிரூபிக்கப்பட்டுள்ளது.

தியான முறைகளை பின்பற்றும்போது, உடல் பருமன் ஏற்பட காரணமாக உள்ள மிதமிஞ்சி உணவு உண்கிற வேட்கை குறையும். இதனால், சிகிச்சை பெற வேண்டிய தேவையும் இல்லை. தினசரி யோக பயிற்சிகள் செய்தால், நாளமில்லா சுரப்பிகளுக்குச் செல்லும் ரத்த ஓட்டம் அதிகரிக்கும். இதன்மூலமாக, கொலஸ்ட்ரால் மற்றும் ரத்தக் கொழுப்பு அளவை சீர்படுத்தி, நீரிழிவு நோயை கட்டுக்குள் வைக்க முடியும்.

யோக பயிற்சியால், உடலில் ஏற்படும் காற்றோட்டமான சூழல், மன அழுத்தத்தை தாங்குகிற தெம்பும், நோய் எதிர்ப்புச் சக்தியையும் தருகிறது. மேலும், நகர்ப்புறங்களில் அதிகரித்து வரும் ஆஸ்துமா நோயையும், கட்டுப்படுத்த, யோக முத்திரைகளும், தியானமும் உதவுகின்றன. இதில் இன்னொரு சுவாரசிய விசயமும் உள்ளது. யோகா செய்வதால், நீரிழிவு மற்றும் உயர் ரத்த அழுத்த நோய்க்கு மாத்திரைகள் சாப்பிட வேண்டிய தேவையும் குறைகிறது!

யோகா-அடிப்படையில் வாழும் முறையை மாற்றிக்கொள்வதால், நவீன கால மருந்துகளை சாப்பிடுவதால் ஏற்படும் பக்க விளைவுகளும் குறைவதாக, மருத்துவர்களே சொல்கின்றனர்.

நான் இதை எப்படிச் செய்வது?

நிபுணர்களின் கருத்துப்படி, முதலில், வாழ்க்கை மீது ஒரு யோகி போன்ற அணுகுமுறையை வளர்த்துக் கொள்ள வேண்டும். இதனால், அன்றாட வாழ்வில், எதிர்மறையான சிந்தனை மற்றும் செயல்கள் குறைந்து, கர்ம யோகா, ராஜ யோகா, பக்தி யோகா போன்ற கோட்பாடுகள் மீது கவனம் அதிகரிக்கும். தெளிவான மனம் இருந்தாலே, கவலைகளை விரட்டியடித்து, பல்வேறு வாழ்வியல் சார்ந்த பிரச்னைகள் ஏற்படுவதை தடுத்துவிடலாம்.

தினசரி, யோக பயிற்சிகளுக்கு ஏற்ப, ஆயுர்வேதஅடிப்படையில், ஒரு ஆரோக்கியமான உணவுப்பழக்கத்தை, நாம் பின்பற்ற வேண்டும். இது நீண்ட கால அடிப்படையில் நல்ல பலன் தரும். இத்தகைய உணவுமுறைக்கு, கீரைகள், முளைகட்டிய தானியங்கள், பாகற்காய் போன்ற காய்கறிகளே போதுமானவை. அவற்றை சமைக்கும்போது, வெந்தயம், மஞ்சள், வேம்பு போன்றவற்றை சேர்த்துக் கொள்வது நல்லது. இவற்றில் உள்ள மருத்துவ குணங்கள், நமக்கு உடல் பருமன், உயர் ரத்த அழுத்தம் போன்றவை ஏற்படுவதை அடிக்கடி சரிபார்த்து, கட்டுப்படுத்த உதவும்.

சூர்ய நமஸ்காரம் போன்ற சுவாச-உடல் அசைவுகளை ஒன்றுசேர்த்த பயிற்சிகளை செய்யும்போது, மனோவியல் ஒற்றுமை ஏற்பட்டு, நம் உடலின் உள்பாகங்களின் இயக்கம் சீர்படுத்தப்படுகிறது.

தடா ஆசனம், திரிகோண ஆசனம் உள்ளிட்ட ஆசனங்களைச் செய்யும்போது, ரத்தம் அழுத்தம் சீராகி, உடலின் ஜீரண சக்தி மேம்படுவதாக, ஆய்வுகளில் நிரூபிக்கப்பட்டுள்ளது. இதேபோன்று, சுவாசத்தை சீர்படுத்தி, மன அழுத்தத்தை குறைக்கவும், நிதானமான உணர்வு ஏற்படவும் பிரணயாமம் பயிற்சி செய்தால், நல்ல பலன் கிடைக்கும்.

கவிதை

ஒழிப்போம் நெகிழியை  என்று...
ஊரெங்கும் விளம்பரம்
ஃபிளக்ஸ் பேனரில்!