போதை

 

போதை என்பதை விட்டுவிடு உன்

பாதையை சரியாய் செப்பனிடு

ஆனந்தம்.. என்றே சொல்வர் முகம் பூக்க

அது என்ன என்று நீயும் கேட்க

ஆசையாய் தருவர் நீ சுவைக்க 

ஆனந்தமாய் இருக்கும் மனசு சொக்க

சுவைத்த போதை சொக்க வைக்கும் 

சுவையால் உன்னை அடிமையாக்கும்

சொர்க்கம் இதுவென நினைக்க வைக்கும் 

சொந்தம் அனைத்தையும் மறக்க வைக்கும் 

போதையும் மெல்லவும் தலைக்கு ஏறும்

போகும் வழியும் அதனால் மறக்கும் 

போதை என்பதை விட்டுவிடு உன்

பாதையை சரியாய் செப்பனிடு

கண்களை மூடி இருக்கின்றாய் 

கற்பனை உலகில் பறக்கின்றாய்

கால்களும் தரையில் நிற்கவில்லை - உன்னை 

கடப்பவர் யாரென்று தெரியவில்லை 

காலை மாலை எதுவென்றும் உன்

கருத்தினில் சிறிதும் உரைக்கவில்லை 

போதை என்பதை.....

எதிரில் நிற்பவர் யாரென்று உன்னால் எளிதில் கூற இயலாது 

படுத்தால் தூக்கம் வராது 

படிப்பினில் கவனம் செல்லாது

உடுத்தும் உடையும் தெரியாது 

அடுத்தவர் வலியும் புரியாது

போதை என்பதை.....

ஊக்கம் உன்னை விட்டு ஓடிவிடும் 

உடம்பும் அதனால் துவண்டு விடும் 

மனதினில் வன்மம் ஏறிவிடும்

மானம் உன்னைவிட்டு ஓடிவிடும்

போதை என்பதை.....

எதிர்காலம் என்பது உனக்கிருக்கு

அதை

எளிதாய் கைக்கொள்ள வழிவகுத்திடு!

நாட்டில் வன்முறை ஏற்படவும் 

நகரில் கொடுமைகள் நடந்திடவும்

சாலையில் விபத்து ஏற்படவும்

சங்கடம் பல நமக்கு வந்திடவும்

குடும்பத்தில் குழப்பங்கள் ஏற்படவும்

குழந்தைகள் வன்முறை நடந்திவும்

போதை பழக்கம் காரணமாம்

அனைவரும் சேர்ந்ததை (பொதையை) எதிர்திடுவோம்

அகிலத்தை விட்டு (அதை)போதையை விரட்டிடுவோம்.

போதை என்பதை விட்டுவிடு உன்

பாதையை சரியாய் செப்பனிடு