செல்வர்கள் (வசதியானவர்கள்) செய்ய வேண்டியது என்ன?

வாங்கும் கவளத்து ஒரு சிறிது வாய் தப்பின்
தூங்கும் களிறோ துயறுரா - ஆங்கதுகொண்டு
ஊரும் எறும்பு இங்கு ஒருகோடி உய்யுமால்
ஆரும் கிளையோடு அயின்று.

(நீதிநெறி விளக்கம்: பாடல்-37)

[தூங்கும் - அசையும்; உய்யுமால் - தப்பிப் பிழைக்கும்; அயின்று - சாப்பிட்டு]

யானைப் பாகன் அரைப்படி அரிசிச் சோறு கொண்ட பட்டைகளை யானையிடம் கொடுப்பார். அதை வாங்கி ஒரே கவளவமாகப் போட்டு விழுங்கிவிடும் யானை. இப்படி ஏராளமான கவளங்கள் உண்ணும் அந்த யானை. நமக்கு மலைப்பாக இருக்கும். ஆனால் வாயில் போடும்போது ஒரே ஒரு கவளம் கீழே விழுந்துவிட்டதென்று வைத்துக்கொள்ளுங்கள், அந்த யானைக்கு அதைப்பற்றிக் கவலையில்லை. தவறியதை உணரக்கூடச் செய்யாது.

சற்று நேரத்தில் பார்த்தால், எல்லாப் பக்கங்களிலும் இருந்து எறும்புகள் வந்து மொய்த்துவிடும். ஒன்றா, இரண்டா, லட்சலட்சமாய் வரும். குடும்பத்தோடு வரும். வயிறார உண்ணும். திருப்தியடையும். இதைக் குமரகுருபரர் சொல்கிறார் கேளுங்கள்:

1970  மத்தியில் ஒரு அரிசிப் பஞ்சம் வந்தது. மிக அதிக விலை கொடுத்தாலும் அரிசி கிடைக்காது. மேல்நடுத்தர வர்க்கத்தைச் சேர்ந்தவர்கள் கூட மரவள்ளிக் கிழங்கு, கோதுமை சாதம் என்று இவற்றைச் சாப்பிடும் நிலைமை. முன்னமொருமுறை இவ்வாறு ஆனபோது அப்போதைய பிரதமர் லால்பகதூர் சாஸ்திரி எல்லோரும் திங்கட்கிழமை இரவு விரதம் இருங்கள் என்று ஒரு வேண்டுகோள் விடுத்தார். வாரத்தில் ஒரே ஒரு வேளை உணவைப் பலகோடிப் பேர் தவிர்ப்பதால், பெருமளவு உணவு தானியம் மிச்சமாகும். (வயிற்றுத் தசைகளுக்கு ஓய்வுகொடுக்கவேண்டியதன் அவசியத்தை முன்பு எழுதியிருந்தேன். அந்த நன்மையும் உண்டு.) இது தானியச் சந்தையில் வாங்குவோர் அழுத்தத்தைக் குறைக்கும். வாங்குவது குறைந்தால், விற்பனையும், விலையும் குறையும். விலை குறைந்தால் எளியவர்களின் வாங்குதிறனுக்குள் அவை அகப்படும். அப்போது ஆரம்பத்தில் கூறிய செயற்கையான வறட்சியும் தட்டுப்பாடும் தவிர்க்கப்படும்.

எத்தனை அருமையான ஆனால் எளிய சிந்தனை! வறட்சி, வேலையின்மை, வறுமை இவற்றாலல்லவா வன்முறைகள் பெருகுகின்றன. இதைத் தவிர்ப்பதில் நமது பங்கு எவ்வளவு என்று யோசித்தோமா? ஆக, நாம் செய்ய வேண்டியவை இவைதாம்: (1) தேவையில்லாததை வாங்கக்கூடாது (2) தேவைக்குமேல் பயன்படுத்தக் கூடாது (3) வாங்கிய எதையும் வீணாக்கக் கூடாது (4) நம்மிடம் இருக்கும் திறமை, செல்வம், உணவு, அறிவு, நேரம், உழைப்பு இவற்றைத் தேவையுள்ளவர்களோடு பகிர்ந்துகொள்ள வேண்டும். பிறகு இந்த உலகே சொர்க்கம்.