சிலேடை (காளமேகம் 3)

 

தேங்காய் தெரு நாய் 

ஓடுமிருக்கும் அதனுள்வாய் வெளுத்தி ருக்கும்
நாடுங் குலைதனக்கு நாணாது – சேடியே
தீங்கான தில்லாத் திருமலைரா யன்வரையில்
தேங்காயும் நாயுமெனச் செப்பு 

பதில்: "ஓடும் இருக்கும் "

விளக்கம் :
தேங்காய்க்கு ஓடும் இருக்கும் 
நாயும் ஓடும் இருக்கும் 
அது மட்டுமல்ல,
தேங்காய்க்கு உள்ளே வெளுத்திருக்கும் 
தெரு நாய்க்கு உள் வாய்  வெளுத்திருக்கும் 
தென்னைக்கு குலை இருக்கும் 
நாயும் குலைப்பது இல்லையோ?

 

பூனைக்கி யாறுகால் புள்ளினத்துக் கொன்பதுகால்

ஆனைக்குக் கால்பதி னேழானதே –மானேகேள்

முண்டகத்தின் மீதுமுழு நீலம் பூத்ததுண்டு

கண்டதுண்டு கேட்டதில்லை காண்

 

விளக்கம் :

பூ நக்கி, பூவை நக்குகின்ற வண்டுக்கு ஆறுகால்
புள்ளினத்துக்கு ஒன்பது கால். புள் என்றால் பறவை. கணக்குப்படி  9 x 1/4 = 2 1/4 ரெண்டே  கால்.
ஆனைக்குக் கால் பதினேழு 17x 1/4 = 4 1/4 நாலே கால்.
பெண்ணின், தாமரை போன்ற முகத்தின் மீது, முழு நீலம் என்னும் குவளை மலர் போன்ற விழிகளைக் கண்டேன். ஆனால் கேட்டது இல்லை என்று கூறுகிறார்